नांदेड जिल्ह्यात मुदखेड तालुका हा सन २००२ या वर्षात निर्माण झालेला असून सद्यस्थितीत  नांदेड लोकसभा व भोकर विधानसभा  क्षेत्रात अस्तित्वात आहे. तालुक्यात  बारड व मुगट असे दोन जिल्हा परिषद गट आणि  बारड, निवघा, मुगट, माळकौठा असे चार पंचायत समिती गण आहेत .

 तालुक्याचे एकूण क्षेत्रफळ 33706 हे. असून, सरासरी पर्जन्यमान  829.20 mm. आहे .

• तालुक्यातून गोदावरी आणि सीता नदी वाहते,सोबतच ऊर्ध्व पैनगंगा प्रकल्पातून कालव्या द्वारे   सिंचन सुविधा उपलब्ध आहे, केळी ऊस,फळबागा,आणि विशेषत: फुलशेती साठी प्रसिद्ध आहे .

• तालुक्यातून लोहमार्ग जात असल्याने दळणवळणाच्या सोयी मुबलक प्रमाणात असुन तालुका बारमाही रस्त्यांनी जोडला गेला असून रस्त्याचे जाळे ग्रामीण भागापर्यंत पुरेशा प्रमाणात आहेत . 

• पर्यटन व धार्मिक स्थळाबाबत माहिती :-

• बारड येथे शीतला देवीचे प्राचीन मंदिर असून येथे भाविक मोठया प्रमाणात दर्शनासाठी येतात. शीतला देवी स्वच्छता आणि आरोग्याची देवी आहे अशी मान्यता आहे, याठिकाणी दरवर्षी चैत्र आणि आषाढ महिन्यात मोठी यात्रा भरते.

• शंखतीर्थ येथे नृसिंह मंदिर गोदावरी तीरावर हेमाडपंथी शैलीचे दगडी बांधकाम असुन मंदिर सुमारे तेराव्या शतकातील असल्याचे जाणकारांचे मत आहे. मंदिरातील नक्षीदार स्तंभावर उलटे नागशिल्प कोरलेले आहे. हे बदामीच्या चालुक्य राजघराण्याचे राजचिन्ह असल्याने हे मंदिर चालुक्य काळातील असल्याचे  सिद्ध होते.   

• मुगट परिसरात ऐतिहासिक गुरुद्वारा माता साहेब देवाजी असून याठिकाणी शीख भाविक मोठ्या प्रमाणात दर्शनासाठी येतात,याठिकाणी भाविकांसाठी पूर्णवेळ लगरचे आयोजन असते.

• आमदुरा येथे गोदावरी नदी काठा जवळील लहान टेकडीवर शिकारघाट साहिब गुरुद्वारा असून एक सुंदर वास्तुकला आहे .श्री गुरुगोविंद सिंगजी शिकारीनंतर येथे आले आणि सश्याला मारले  आणि आपल्या बाणाच्या स्पर्शानी त्याला मुक्त केले अशी धारणा आहे.